CV e Ministres znj. Milena Harito

Print Email

Lexoni me shume...Zonja Milena Harito lindi më 4 tetor 1966 në Tiranë. Ajo është e martuar me zotin Isidor Shteto dhe ka dy fëmijë, një vajzë dhe një djalë.

Zonja Harito kreu me medalje ari shkollën e mesme të përgjithshme ”Sami Frashëri” në Tiranë dhe në vitin 1989 përfundoi me rezultate të shkëlqyera studimet e larta për Informatikë në Fakultetin e Shkencave të Natyrës të Universitetit të Tiranës. Në vitin 1993 kreu Diplomën e Masterit (DESS – Diplome des Etudes Superieures Specialisees) dhe në vitin 1997 mbrojti doktoraturën në Teknologjitë e Informacionit dhe Komunikimit në Universitetin Paris VI në Francë.

Zonja Harito e nisi karrierën profesionale në vitin 1989 si Bashkëpunëtore Shkencore në Institutin e Informatikës në Tiranë. Duke filluar nga viti 1991, zonja Harito ka punuar si eksperte dhe menaxhere e lartë në sektorin e informatikës dhe të telekomunikacionit në Francë. Përvoja e saj përfshin punë në sektorin privat dhe atë publik, duke filluar me qendrën më të madhe kërkimore në fushën e telekomunikacioneve në Europë, CNET, pranë operatorit France Telecom në Paris. Më pas, zonja Harito u promovua brenda operatorit France Telecom – Orange duke drejtuar punën në Drejtorinë e Strategjisë e ngarkuar me marrëdhëniet me rregullatorin francez dhe europian. Në pozitën e saj si drejtore departamenti në disa sektorë të France Telecom – Orange që nga inovacioni deri tek implementimi i produkteve, zonja Harito ka hartuar programe të rëndësishme zhvillimi në fushën e teknologjisë së informacionit, inovacionit e komunikimit dhe ka udhëhequr një numër të madh ekspertësh e menaxherësh në zbatimin e tyre.

Zonja Harito ka kontribuar në debatin publik në Shqipëri në çështje që lidhen me zhvillimin ekonomik të qendrueshëm, procesin e integrimit europian dhe zgjerimin e qeverisjes elektronike. Ajo u zgjodh deputete në Parlamentin Shqiptar në zgjedhjet e përgjithshme të vitit 2013.

Zonja Harito flet shumë mirë frengjishten dhe mjaft mirë anglishten dhe italishten.

 



Lidhje



Ministrja Milena Harito takohet në Paris me Ministren për...


Në kuadër të vizitës së saj në Francë, Ministrja për Inovacionin dhe Administratën...


Ministrja Harito takim me Ministren për Kompanitë e Vogla...

 Në vijim të vizitës së saj në Francë, Ministrja e Shtetit për Inovacionin Milena...


Harito:"Administrata e depolitizuar-një luftë e gjatë dhe...

Ministrja për Inovaconin dhe Administratën Publike, Milena Harito në një intervistë me...


Ministrja Harito takon homologun maqedonas

Dje znj Harito, Ministër shteti për Inovacionin dhe Administratën Publike u takua në...




Keshilli i Ministrave







instat instat



© Të gjitha të drejtat të rezervuara, Ministri i Shtetit për Inovacionin dhe Administratën Publike 2013    Faqja nga Altin Sejdini per Abp